LHFRÉTTIR
Miðvikudagur, 9. febrúar 2005
ÖSKUDAGUR Já, já, það er
víst komið nýtt ár. Pétur Örn
var svo duglegur að setja saman litla ferðasögu
úr hópferð LHF-félaga í margmennishlaup
í Amsterdammi í Niðurlandi í október
síðastliðnum en vefstjóri svo óduglegur
að koma skrifunum ekki inn á vefinn fyrr en nú.
Og hana nú. Lesist
hér
Miðvikudagur, 20. október 2004
STELPURNAR OG STRÁKARNIR OKKAR Nú hafa
Amsterdamfarar snúið heim og flestir með sæta
persónulega sigra úr maraþoni og hálfu
í farteskinu. Sérlega eftirtektarverð er frammistaða
Þorláks okkar Jónssonar sem varð nr.
78 af 4.491 keppanda. Árangur Þorláks er
sá besti sem náðst hefur í maraþonhlaupi
íslenskra á árinu.
Föstudagur, 3. september 2004
SELFOSS - AMSTERDAM Heil og sæl, vil minna á
Brúarhlaupið á Selfossi núna á
laugardaginn, 4. sept. Selfosshlaupið er ágætis
upphitun fyrir komandi maraþonhlaup í Amsterdam.
Núna eru 43 dagar í það hlaup og því
um að gera að haga æfingum í samræmi
við það. (Sjá www.amsterdammarathon.nl)
Að sjálfsögðu ætla flestir í
hópnum að fara í maraþonið í
Amsterdam en ljóst að nokkrir munu fara í
styttri vegalengdirnar.
Smá um maraþon:
www.bbc.co.uk/science/hottopics/marathon
http://www.soyouwanna.com/site/syws/marathon
http://www.runningplanet.com
http://www.deiglan.com
kveðja,
Pétur Örn.
 |
| EFTIR HLAUP Rúnar, Birgir
og Birkir bera saman bækur eftir hlaup. |
Mánudagur, 23. ágúst
2004
GÓÐIR TÍMAR Í FRÁBÆRU
HLAUPI Reykjavíkurmaraþon var þreytt
í 21. skipti í mikilli veðurblíðu
árla þess dags sem núorðið er helsti
hátíðisdagur Íslendinga, menningarnótt.
Tæpar fjórar þúsundir karla og kvenna,
unglinga og barna hlupu um sólbakaðaðar götur
borgarinnar, vestur á Nes og austur í Voga. Þar
á meðal allmargir LHF-félagar sem stóðu
sig allir vel.
Haukur hljóp sitt fyrsta maraþon, Gerður sigraði
í hálfu maraþoni kvenna, en Þorlákur,
Birgir og Birkir voru framarlega í flokki karla. Í
10 km vann Jóhanna það persónulega afrek
að sigra í sínum flokki með því
að hlaupa undir 40 mín. í fyrsta skipti. Rúnar
var fjórði í karla 10 km og Kristinn var og
þar á góðum tíma (lesist: gaf
sér góðan tíma). Friðrik kláraði
maraþon og var ekkert að flýta sér.
Mánudagur, 12. janúar 2004
ANNÁLAR Nú árið er liðið
2003 og margs að minnast úr sögu félagsins
frá því árinu: Margir hlupu vel,
færri á sig, félagið efldist og breytti
líka um nafn, haldin voru alvöru partí, félagið
eignaðist málgagn og færa skrifara, deilur
risu og risar deildu og allt í góðu. Mikið
var hlaupið og hlaupið var gott.
> Lestu annál félagsins
fyrir árið 2003 eftir Þorlák okkar
Jónsson.
> Lestu Hrökkálinn
2004 - ógleymanlegur lestur við upphaf nýs
árs þegar manni dettur allra síst í
hug að muna.
> Skoðaðu myndir
frá Gamlárshlaupinu 2003.
Eldri fréttir ...
|
