| |
|
| |
|
 |
LEITA
í VEFNUM |
 |
|
|
| |
| Sláðu inn það
efnisorð sem þú hefur áhuga
á að fræðast um í Rómarvefnum. |
|
|
|
NÝTT
í VEFNUM |
|
|
|
 |
|
08.05.09 Mussolini
og launsonurinn. Lesa
17.05.07 Nokkrir góðir punktar um eitt og
annað sem hægt er að gera í Róm.
Lesa
15.05.07 10 staðir í Róm sem koma þér
í beint samband við fornöldina. Lesa
04.11.06 Vínframleiðsla á Sikiley er
mikil og hefur stórbatnað síðustu árin.
Lesa
02.09.06 Bottega dei vini er vínsetur vert að
heimsækja í Verónu. Lesa |
|
|
FERÐAVEFIR |
|
|
|
| |
|
|
SKÁLDIÐ
SAGÐI ... |
|
|
|
„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu. |
|
|
|
UMSAGNIR |
|
|
|
 |
|
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Meira |
|
|
| |
|
|
| | RÓMVERSK-KAÞÓLSKA KIRKJAN | | | Páfinn | | | Páfi er höfuð Rómversk kaþólsku kirkjunnar, hæstráðandi Vatíkansríkisins, eftirmaður Péturs postula og því staðgengill Krists á jörðu. | |
 Páfinn, eða il papa eins og hann er kallaður, er höfuð Rómversk kaþólsku kirkjunnar og hæstráðandi í Páfagarði. Páfi er einnig biskup Rómar með aðsetur í Jóhannesarkirkju í Lateran (San Giovanni in Laterano), dómkirkju borgarinnar. Páfi býr í Vatíkaninu og hefur um sig svissneska varðmennn sem enn klæðast búningum frá því Júlíus II. páfi stofnaði til málaliðsins snemma á 16. öld. Páfinn er kjörinn af samkundu kardínála sem fundar í Sixtínsku kapellunni.
| Þú ert Pétur, kletturinn, og á þessum kletti mun ég byggja kirkju mína, og máttur heljar mun ekki á henni sigrast. Ég mun fá þér lykla himnaríkis, og hvað sem þú bindur á jörðu, mun bundið á himnum, og hvað sem þú leysir á jörðu, mun leyst á himnum. - Jesús við Símon Pétur
í Mt. 16;18-19. |
Frá frumkristni hefur biskupinn í Róm verið álitinn æðstur biskupa kirkjunnar - æðsti prestur, pontifex maximus, það er, páfinn í Róm; borginni þar sem erkipostularnir Pétur og Páll dóu fyrir trú sína á Krist.
Jóhannes Páll páfi II.
Giovanni Paolo heitir hann upp á ítölsku, en er pólskur að kyni og skírður Karol Vojtyla. Hann er fyrsti innflutti páfinn frá því snemma á 16. öld, en þegar hann var kjörinn 16. október 1978 höfðu páfarnir verið ítalskir í 455 ár. Jóhannes Páll ríkti lengur í páfagarði en nokkur annar páfi á öldinni sem leið og er nú orðinn tveggja alda páfi. Honum var sýnt banatilræði 13. maí 1981 á Péturstorginu og er það mál enn ekki til lykta leitt á Ítalíu hvort tilræðismaðurinn hafi verið einn að verki eða sendur af leyniþjónustum erlendra ríkja. Páfi hefur hitt tilræðismann sinn og fyrirgefið honum. Almennt er viðurkennt að Jóhannes Páll hafi lagt töluvert að mörkum til frelsis og friðar í heiminum. Er talið að með stuðningi sínum við verkalýðshreyfinguna Samstöðu í föðurlandi sínu Póllandi (snemma á 9. áratugi síðustu aldar) hafi hann átt ríkan þátt í falli alræðisstjórnar Kommúnista þar í landi, sem síðan hafði óhjákvæmilega áhrif á frelsisbyltinguna í Austur-Evrópu í lok áratugarins. En páfi þykir íhaldsamur, sér í lagi í siðferðis- og siðgæðismálum.
Þeim sem hafa velt fyrir sér nöfnum páfanna skal það sagt að nýkjörinn páfi tekur upp nafn þess páfa sem hann hefur mestar mætur á.
Páfi í Avignon
14. öldin var tími mikilla væringa og flokkadrátta innan páfagarðs sem utan og svo fór að stóll páfa var fluttur til Avignon í Frakklandi. Þar sátu sjö franskir páfar næstu sjötíu árin eða svo, 1309 – 77. Er þessi tími stundum kallaður Babýlonútlegðin, eftir sjötíu ára herleiðingu Gyðinga til Babýloníu á 6. öld f.Kr. Valdabarátta og stríð urðu einnig til þess að menn gátu ekki komið sér saman um skipun páfa. Voru því skipaðir andpáfar hinum „réttkjörnu“ páfum til höfuðs – og svo gagnandpáfar. Fyrsti andpáfi aldarinnar var skipaður 1328, en árin 1378 – 1415 voru fjórir andpáfar skipaðir – tveir andpáfar og tveir gagnandpáfar.
 Lestu æviágrip Jóhannesar Páls II. hér í Rómarvefnum.
| |
|
|
