| |
|
| |
|
 |
LEITA
í VEFNUM |
 |
|
|
| |
| Sláðu inn það
efnisorð sem þú hefur áhuga
á að fræðast um í Rómarvefnum. |
|
|
|
NÝTT
í VEFNUM |
|
|
|
 |
|
08.05.09 Mussolini
og launsonurinn. Lesa
17.05.07 Nokkrir góðir punktar um eitt og
annað sem hægt er að gera í Róm.
Lesa
15.05.07 10 staðir í Róm sem koma þér
í beint samband við fornöldina. Lesa
04.11.06 Vínframleiðsla á Sikiley er
mikil og hefur stórbatnað síðustu árin.
Lesa
02.09.06 Bottega dei vini er vínsetur vert að
heimsækja í Verónu. Lesa |
|
|
FERÐAVEFIR |
|
|
|
| |
|
|
SKÁLDIÐ
SAGÐI ... |
|
|
|
„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu. |
|
|
|
UMSAGNIR |
|
|
|
 |
|
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Meira |
|
|
| |
|
|
| | RÓMVERSK-KAÞÓLSKA KIRKJAN | | | Upphaf klausturlífs | | | Benedikt frá Núrsíu lagði grunninn að klausturlifnaði
á Vesturlöndum, en klausturlifnaður mun eiga upptök
sín í Egyptalandi á 3. öld. | |
Á ríkisstjórnarárum Díókletíanusar Rómarkeisara (284-305) voru kristnir menn ofsóttir af mikilli grimmd. Í Egyptalandi flúðu margir þeirra út í eyðimörkina og gerðust einsetumenn. Laust eftir árið 300 fóru einsetumenn þessir að safnast saman og er þetta upphaf klaustra. Þau skiptust í munka- og nunnuklaustur. Ábótar nefndust yfirmenn munkaklaustra en abbadísir nunnuklaustra. Hreyfingin barst fljótlega til Evrópu og um árið 500 störfuðu þar mörg klaustur. Klaustrahreyfingin var í fyrstu lítt skipulögð. Þetta breyttist á ofanverðri 6. öld.
 | | BENEDIKT FRÁ NÚRSÍU Benedikt gerði ráð fyrir að munkarnir læsu og því urðu einkunarorð reglunnar „ora et labora“ (biðja og iðja). | Benediktínar
Það féll í hlut Benedikts frá Núrsíu að stofna fyrstu munkaregluna og ber hún nafn hans. Benedikt kom klaustri á laggirnar á Monte Cassino ekki langt frá Napólí á Suður-Ítalíu. Síðar kom tvíburasystir Benedikts á fót nunnuklaustri við fjallsræturnar. Munkar og nunnur voru hvött til iðni, leti var fjandsamleg sálarlífinu að dómi Benedikts. Þrjú heit voru grundvöllur klausturlífs: Fátækt, hlýðni og skírlífi.
Starf klausturbúa var tvíþætt, að iðja og biðja (ora et labora). Störfin voru mjög fjölbreytt. Þar voru ritaðar bækur og lýstar praktuglega (þ.e. skreyttar fagurlega), lækningar stundaðar og jarðyrkja af ýmsu tagi. Klaustrin voru vinsæll gististaður, þar voru ferðamenn öruggir um að verða ekki rændir eða jafnvel myrtir til fjár en ástæða er til að ætla að þau hafi orðið örlög margra ferðamanna og langt fram eftir öldum. Flestar greinar handiðju voru stundaðar í klaustrum. Einnig er víst að munkar hafa sýslað við víngerð, margar tegundir bjórs, líkjöra og víns taka nafn af klaustrum. En allt voru þetta aukastörf. Bænir og guðrækilegur lestur (lectio divina) skipti meginmáli.
Gregoríus páfi (590-604) mikli var Benediktusarmunkur og stuðlaði mjög að útbreiðslu reglunnar, en hefti útbreiðslu annarra. Tvær aðrar kunnar reglur Fransiskana (grámunkar, smábræður) og Dóminikana (svartmunkar, predikarabræður) komu báðar fram á 13. öld.
| SKÁLDIÐ SKRIFAR | Helgir dómar
Helgir dómar dýrlinga voru sambandgjafar við hinn ósýnilega heim. Það var ekki til sú kirkja eða klaustur að ætti ekki sinn helga dóm. Farið var með þá í skrúðgöngur á hátíðum, í fararbrjósti í styrjöldum. Þeir voru afl þeirra hluta sem gera þurfti og verslun með verndargripi var umtalsverð hagstærð í efnahag miðalda.
[...,] í Skálholti var varðveitt ein flísin úr krossi Krists, en það er talið að ef allar þær flísar kæmu saman í einn bjálka, væri hann ásamt Kínamúrnum, það mannvirki sem greina mætti með berum augum frá tunglinu. Meira
- Pétur Gunnarsson:
Myndin af heiminum. | Fransiskanar
Frans frá bænum Assisi stofnaði til reglu Fransiskana. Reglubræður hennar voru leikmenn og oftast ríkra manna synir sem frelsuðust til trúarinnar og ákváðu að afsala sér eignum sínum, lifa á bónbjörgum einum saman og helga líf sitt boðun fagnaðarerindisins út um heim allan líkt og lærisveinarnir höfðu gert; vita apostolica. Árið 1210 fær reglan leyfi páfa fyrir starfi sínu og um 1217 fara munkar hennar að starfa í borgum, strigaklæddir og berfættir (svona regla hefði að líkindum verið ómögulegt að starfrækja nema í borgum). Fransiskanarnir voru ekki prestlærðir og lentu því í nokkrum vandræðum með messugjörðir og skriftir. Af og til komu upp álitamál og deilur varðandi eignarhald á nauðsynjum, s.s bókum og öðru slíku; hinir andlegu, spirituali conventuali, vildu halda algjörri fátækt. Þetta var leyst með s.k. hollvinafélögum. Órói og óreiða einkenndi skipulag reglunnar fyrst um sinn, en 1239 eru lærðir menn orðnir gildir í reglunni.
Dóminikanar
Domingo Guzman (heilagur Dóminik, 1170-1221, spænskur prestur) var stofnandi reglu Dóminikana sem varð æði öflug á 13. öld. Var hann í fararbroddi manna er héldu til S-Frakklands að snúa villutrúarfólki til réttrar trúar. 1216 er reglan viðurkennd sem samfélag undir reglu Ágústínusar og við svo búið hefjast Dóminikanar handa við boðun fagnaðarerindisins í bæum og borgum Evrópu, en höfuðstöðvar reglunnar voru í Toulouse. Dóminikanar voru vígðir menn og lærðir og leikmönum ekki hleypt inn í regluna. Dóminikus kom á stjórnkerfi valddreifingar og miðstýringar innan reglunnar. Yfirmenn munkanna voru kjörnir og ábyrgir gagnvart undirmönnum sínum. Dóminikanar héldu sína eigin skóla og fyrir kom að upp blossuðu deilur milli reglubundinna og óreglubundinna kennara í skólunum því þeir tilheyrðu þá sitthvoru félaginu og þá var verra að skipuleggja verkföll þegar þess þurfti með.
Fleiri munka- og nunnuklaustrareglur komu fram og mun Ágústínusarreglan þekktust þeirra. Nokkur mismunur var á reglum þessum, en ekki skal farið út í þá sálma hér. Heilög ritning býður kristnum mönnum að gjöra allar þjóðir að lærisveinum Krists. Þeir hafa því stundað kristniboð um allar aldir frá Krists dögum, misþróttmikið að vísu.
Heimild: Rómarvefurinn og www.strik.is, júlí 2002. | |
|
|
MMX Saga /
Kirkja /
Listir /
Matur
/ Tenglar