| Á gamlárskvöld safnast borgarbúar og fjölmargir gestir hennar saman í bænum og fagna nýju ári. Áramót í Róm
Aðalstaðurinn til að vera á um áramótin er á Popolotorgi (var það alltént þar til torgið var gert upp), eða þar sem borgin ákveður að halda sitt áramótarall hverju sinni. Haldnir eru stórir útitónleikar og allt um kring eru opnir veitingastaðir, útibarir og samlokustaðir, allt fullt af fólki.
 | | POPOLOTORG. Séð yfir Piazza Popolo og áfram vestur yfir borgina frá Pincióhæð í Villa Borghesegarðinum. | Athyglisvert er hvernig þessi hátíð hefur leyst sitt „fljúgandi flasknamál“. Maður getur ímyndað sér að á nóttu sem þessari, meðal þúsunda manna og flaskna, skapist sú þörf að losa sig við óþarft gler. Þá getur nú reynst meira spennandi að splassa glerinu í götuna eða henda því upp í loftið en að stinga því í vasann. Nema hvað. Rómverjar koma svo sannarlega til móts við galgopana. Á miðju torginu (er myndaður) myndast stór hringur þar sem nóg pláss er fyrir áramótagesti bæjarins að smalla sínu freyðivínsgleri - og sjá, allir notfæra sér tækifærið fyrir kærkomna útrás - og allt glerið safnast fyrir á einum stað og stofnar engum í hættu (nema þeim ófáu sem finnst áhættunnar og spennunnar virði að gangast undir glerregnið).
 Lestu líka um Jesú, Maríu og Jósep í hinu ítalska presepio, um nornina Befönu og jól í Róm. Sjá líka um Hátíðir og merkisdaga Rómar og Ítalíu.
|
