| 1915 | Ítalir hefja þátttöku í heimsstyrjöldinni fyrri í hópi Bandamanna. |
| 1919 | Friðarsamningar færa Ítölum Trentínó, Suður-Týrol og Tríeste. Óstöðugt efnahags- og stjórnmálaástand. |
| 1922 |  Mússolíni, leiðtogi Fasista, myndar og leiðir ríkisstjórn eftir 3ja ára pólitískan óstöðugleika. |
| 1926 | Fasistar gera stjórnarandstæðingum lífið leitt og andstæðum flokkum erfitt fyrir. |
| 1929 |  Lateransamningur: Mússolíní og Píus páfi XI. semja um réttarstöðu Páfagarðs sem sjálfstætt ríki innan ítalska ríkisins með samningi sem kenndur er við Lateran hverfið í Róm hvar dómkirkja Rómar er. |
| 1935 | Ítalir ráðast inn í Eþíópíu. |
| 1936 | Mússolíni myndar öxulbandalag við Þýskaland. |
| 1939 | Albanía innlimuð í ítalska ríkið. |
| 1940 | Ítalir hefja þátttöku í heimsstyrjöldinni síðari í bandalagi við Þjóðverja. Ítalski herinn hertekur Sómalíu sem þá er undir stjórn Breta. |
| 1941 | Ítalir segja Sovétríkjunum stríð á hendur. |
| 1943 | Bandamenn ná Sikiley á sitt vald. Konungurinn, Viktor Emanúel III., lætur fangelsa Mússólíní. Ítalir semja frið við Bandamenn og lýsa yfir stríði við Þýskaland. |
| 1944 | Bandamenn frelsa Róm undan her Þjóðverja. |
| 1945 | Mússolíní, sem Þjóðverjar höfðu bjargað úr ítölsku fangelsi og sett aftur til valda á N-Ítalíu, handtekinn og tekinn af lífi af ítölskum andspyrnungum. |
| 1946 | Ítalir samþykkja í þjóðaratkvæðagreiðslu að afnema konungdæmið og lýsa landið lýðveldi. |
| 1947 | Friðarsamningur: Ítalía þarf að gefa eftir lönd og yfirráðasvæði. |
| 1948 | Ný stjórnarskrá: Úmbertó og afkomendur hans í útlegð. Kristilegir demókratar sigra í kosningum. |
| 1951 | Ítalir ganga í Kola- og stálbandalagið. |
| 1955 | Ítalía í Sameinuðuþjóðirnar. |
| 1957 | Rómarsáttmálinn: Ítalía stofnaðili Evrópska efnahagsbandalagsins, fyrirrennara EB. |
| 1963 | Samsteypustjórn: Ítalski sósíalistaflokkurinn í stjórn með Kristilegum demókrötum. Aldo Moro (KD) forsætisráðherra. |
| 1972 |  Giulio Andreotti verður forsætisráðherra - og það sjö sinnum næstu 20 árin. |
1976
-78 | Kommúnistar komast til aukinna áhrifa. |
| 1978 | Aldo Moro, f.v. forsætisráðherra, rænt og síðan myrtur af Rauðu herdeildunum, öfgasinnuðum vinstrimönnum. Fóstureyðingar lögleyfðar. |
| 1980 | Hryðjuverk: 84 farast í sprengjutilræði á aðallestarstöðinni í Bologna, talið verk hægriöfgamanna. |
| 1983 | Bettino Craxi verður fyrsti forsætisráðherra ítalskra sósíalista síðan fyrir stríð. |
| 1984 | Rómversk-kaþólska kirkjan missir stöðu sína sem þjóðkirkja Ítalíu. |
| 1991 | Kommúnistar gerast Vinstri demókratar. |
| 1992 | Spillingarmál: Spilling í efri stigum stjórnkerfisins verður lýðum ljós og leiðir til handtaka og rannsókna. Vinsæll og virtur saksóknari í baráttunni gegn Mafíunni, Giovanni Falcone, sprengdur til dauða ásamt konu sinni og þremur lífvörðum. |
| 1993 | Mútuhneyksli leiðir til afsagnar Bettinos Craxi sem leiðtogi sósíalista. Craxi flýr síðar úr landi, en réttað er yfir honum fjarstöddum og hann dæmdur í fangelsi. Deyr í Túnis árið 2000. Þinghelgi afnumin. |
| 1994 | Mars: Frelsisbandalagið sigrar í kosningum. Kosningabandalagið, sem samanstendur af Áfram Ítalíu Berlusconis, Norðurbandalaginu og hinu nýfasíska Þjóðarbandalagi, missir þó stjórnartauminn í lok ársins í kjölfar deilna við og vegna dómara andsnúna spillingu og laga sem áttu að lækka lífeyri vinnandi fólks. |
1995
-96 | Sultarólin hert: Lamberto Dini leiðir sparsama stjórn tæknikrata. |
| 1996 | Ólífubandalag: Vinstri-miðju kosningabandalagið sem kennt er við hið ofurítalska ólífutré sigrar í kosningum. Romano Prodi verður forsætisráðherra. |
| 1997 | Skjálfti lands og stjórnar: Jarðskjálfti skekur Úmbríuhérað, fjórir farast og kirkja heilags Frans laskast mikið. Þingið lýsir yfir vantrausti á stjórn Prodis og Massimo D'Alema tekur við sem leiðtogi ólífustjórnarinnar. |
| 1999 | Carlo Ciampi forseti. |
| 2000 | Apríl: D'Alema segir af sér 19. apríl eftir slæma útkomu vinstri- og miðjuflokka í sveitarstjórnarkosningum og Amato tekur við sem leiðtogi ólífustjórnarinnar. |
| 2001 | Maí/júní: Berlusconi snýr aftur. Hús frelsisins, bandalag flokks Berlusconis (Áfram Ítalía) og annarra hægri flokka, vinnur yfirburðasigur í þingkosningum 13. maí. 11. júní tekur hin nýja ríkisstjórn Berlusconis við völdum, 59. ríkisstjórn Ítalíu frá lýðveldisstofnun árið 1946, með Þjóðfylkingarmanninn Gianfranco Fini sem aðstoðarforsætisráðherra, vandræðabarnið Umberto Bossi úr Norðurbandalaginu sem ráðherra umbóta og valddreifingar og Evrópusinnann Renato Ruggiero sem utanríkisráðherra. Hins vegar heldur Ólífubandalagið höfuðborginni og nú sest Walter nokkur Veltroni í hásæti á Kapítólhæð.
Október: Úrslit stjórnarskrárkosninga, þeirra fyrstu síðan 1946, leiða til verulega aukins sjálfstæðis hinna 20 héraða landsins í menntunar- umhverfis- og skattamálum. |
| 2002 | Janúar: Evran tekur við af lírunni sem gjaldmiðill Ítalíu, eins og víðar í löndum álfunnar. Utanríkisráðherrann Renato Ruggiero segir af sér vegna deilna við evróskeptíska samráðherra sína í hægristjórn Berlusconis.
Febrúar/mars: Lög þess efnis að Berlusconi megi halda öllu sínu viðskipta- og áhrifaveldi óskiptu valda miklum deilum.
Október: Neðri deild þingsins samþykkir umdeild lög sem andmælendur segja vera sniðin að þörfum forsætisráðherrans Berlusconi til að komast undan lögsókn vegna spillingarákæra. Fíatverksmiðjunar tilkynna áætlun um fimmtungs fækkun starfsliðs og veldur það mikilli ólgu um landið allt. |
| 2003 | Maí/júní: Berlusconi kemur fyrir rétt í Mílanó í réttarhöldum yfir honum vegna ákæra um spillingu vegna viðskipta á 9. áratugnum. Forsætisráðherrann segist vera fórnarlamb samsæris vinstrisinnaðra dómara gegn sér.
Júní: Réttarhöldunum yfir Berlusconi hætt í kjölfar þess að þingið samþykkir lög þess efnis að fimm æðstu valdamenn ríkisins eigi að njóta þinghelgi. Ítalskir stjórnmálamenn nutu þinghelgi allt til ársins 1993 að réttað var í hinu mikla mútuhneyksli sem upp kom innan ítalska stjórnkerfisins.
Júlí: Berlusconi er í forsæti fyrir hönd Ítalíu í Evrópuráðinu næsta hálfa árið.
Nóvember: Ríkisstjórn Ítalíu lýsir yfir þjóðarsorg eftir að 19 hermenn landins farast í sjálfsmorðsárás í Suður-Írak. Stórmatvælafyrirtækið ítalska, Parmalat, lýst gjaldþrota eftir að upp kemst um margmilljarða evra bókhaldssvik. |
| 2004 | Janúar: Stjórnlagadómstóll Ítalíu dæmir lögin um þinghelgi Berlusconis sem ólög og ógild.
Apríl: Ítölskum borgara rænt í Írak og hann drepinn. Réttarhöldum yfir Berlusconi haldið áfram. |
| | |
|
| | Byggt á vef BBC
http://news.bbc.co.uk/1/hi/world/europe/
country_profiles/1065897.stm |
| |
MMX Saga /
Kirkja /
Listir /
Matur
/ Tenglar