„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu.
UMSAGNIR
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Ég var flottur á því síðasta daginn í ferð okkar Einars Odds Kristjánssonar alþingismanns til Napólí fyrstu vikuna í júlí. Ítalska þingið bauð til mikillar veislu um kvöldið - en ég afþakkaði hana fyrir hönd okkar tvímenninganna. Í staðinn bauð ég heimastjórninni í holdgervingu Einars Odds með mér til Kaprí!
Það er ekki oft sem stjórnarandstaðan tekur með þvílíkum silkihönskum á heimastjórninni - og Einar Oddur sem er sjentilmaður einsog þeir gerast bestir þáði boðið með þökkum. Mig hefur alltaf langað til að koma til Kaprí frá því ég las í stofunni heima hjá afa og ömmu ljóð Davíðs þjóðskálds Stefánssonar um Katarínu og Kaprísveinana. Seinna las ég kafla í bók um Davíð þar sem sagt var frá ferðinni til Kaprí og einhvern veginn greyptist klettaeyjan inn í hug minn og var þar föst allar götur síðan.
Við tókum okkur fari með hraðskreiðu farþegaskipi til Kaprí, og vorum ekki nema tæpa klukkustund á leiðinni. Eyjan reis einsog stórbrotið virki úr sjónum, umvafin gliti síðdegissólarinnar. Húsin voru smágerð og falleg, og það var notalega letilegur blær yfir lífi eyjarskeggja. Settið úr La Dolca Vita gerði hana fræga á árum áður. Kvikmyndastjarnan Sophia Loren er enn tíður gestur á Kaprí og Marcello Mastroianni kom þar oft meðan hann var á dögum.. Ekki hittum við Einar Oddur þó á Sophiu, en undum þó glaðir við okkar.
„Svo eftir að hafa farið um eyjuna alla og gert heppileg innkaup, og bragðað á hinu fræga víni Kaprí sem kennt er við Tíberíus, þá sátum við í flæðarmálinu, létum sjóinn leika við vestfirska fætur, og ræddum Sesar og Kleópötru - og Pompeius.“
Við sömdum við leigubílstjóra sem ók okkur um alla eyjuna, og við sungum fyrir hann um Katarínu- og spurðum hvort verið gæti að afi hans hefði verið einn af Kaprísveinunum sem skáldið orti um. Hann varð glaður við að heyra að íslenskt skáld hefði fært hróður Kaprí alla leið norður undir heimskautið og sagði að eyjan væri gististaður margra listamanna sem kæmu þangað til að sækja sér sköpunarkraft.
Við ætluðum í Bláa hellinn fræga - en hann reyndist lokaður ferðamönnum að þessu sinni. Svo eftir að hafa farið um eyjuna alla og gert heppileg innkaup, og bragðað á hinu fræga víni Kaprí sem kennt er við Tíberíus, þá sátum við í flæðarmálinu, létum sjóinn leika við vestfirska fætur, og ræddum Sesar og Kleópötru - og Pompeius. Mig minnti að það hefði verið rómverskur málaliði sem drap Pompeius í Egyptalandi, og bróðir Kleópötru látið færa Sesari höfuð hans í krukku þegar hann kom sjálfur til Egyptalands. Einar mundi þetta öðru vísi - og við deildum meira um endalok Pompeiusar en efnahagsmál á Íslandi. Við vorum meira og minna sammála um efnahagsaðgerðir heimastjórnarinnar. Segir ekki meira af því.
Stéttabaráttan gerði okkur illan grikk þegar við komum aftur til Napólí um kvöldið. Verkalýðurinn í Napólí er annálaður fyrir baráttugleði og róttækni. Leigubílstjórarnir eru harðasti kjarni hans. Hugsanlega hafa þeir haft af því spurnir að Einar Oddur - heiðursfélagi í evrópsku atvinnurekendasamtökunum - væri kominn í bæinn. Þegar við komum um kvöldið heim til Napóli úr ferðinni til Kaprí tók á móti okkur á kajanum óvígur her manna með mótmælaspjöld og hávær vígorð. Það voru leigubílstjórar sem höfðu ákveðið að leggja niður störf.
Það kom þó í ljós að þeir voru hvorki að mótmæla mér né Einari Oddi, heldur Romano Prodi, hinum nýja forsætisráðherra Samfylkingarinnar á Ítalíu. Hann er að innleiða meira frjálsræði í efnahagslífið að hætti jafnaðarmanna - og hafði deginum áður tilkynnt að meðal annars stefndi hann að því að fjölga leigubílaleyfum. Því var svarað með verkfalli leigubílstjóra um alla Ítalíu deginum síðar. Svo ekki er evrópsk verkalýðshreyfing með öllu dauð. Við Einar Oddur lentum því í töluverðum vanda að komast af kajanum heim á hótel - en með samstilltu átaki stjórnar og stjórnarandstöðu tókst að yfirvinna þau vandkvæði sem stéttaátök á Ítalíu höfðu í för með sér fyrir íslenska ferðalanga.
Pistill þessi er úr bloggi höfundar frá 7. júlí 2006 með yfirskriftina „Heimastjórninni boðið til Kaprí“ og birtur með góðfúslegu leyfi. www.ossur.hexia.net
Eldaðu
ítalskt !!!
Oft er það einfaldleikinn sem blívur
best og segja má að eitt af því
sem einkennir ítalska matargerð sé sparleg
notkun hráefnis og krydda.
Söguás:
1929
Mússolíní og Píus páfi
XI. semja um réttarstöðu Páfagarðs
sem sjálfstætt ríki innan ítalska
ríkisins með samningi sem kenndur er við
Lateran.
Hátíðir
Kjötkveðju-
hátíð er haldin í Róm
svo til allan febrúarmánuð og nær
hámarki á Martedí Grasso,
sprengidag þeirra Ítala. Karnivalið virðist
aðallega vera hátíð smáfólksins;
telpurnar klæða sig upp í prinsessukjóla
og strákarnir í ofurhetjubúninga.
Hver
er maðurinn?
Silvio Berlusconi fv. forsætis-
ráðherra Ítalíu hóf ferilinn
sem dægurlaga-söngvari á ferjum, en
tók síðan að stunda viðskipti
og sá sér þá hag í að
stofna til vinfengis við stjórnmálamenn.
Feneyjar
Feneyjar eru reistar á mörgum hólmum
og helsti ferðamáti íbúa innan
borgarinnar hefur frá upphafi verið siglingar.
Upphaf
klaustur-
lífs
Það féll í hlut Benedikts frá
Núrsíu að stofna fyrstu munka-
regluna og ber hún nafn hans. Benedikt kom klaustri
á laggirnar á Monte Cassino á Suður-Ítalíu.
Kaþólsk
trú og lútersk
Ef kaþólskur maður bergir brauðið
við altarisgöngu verður brauðið að
holdi Krists í munni honum vegna þess að
presturinn framkvæmir athöfnina fyrir hönd
kirkjunnar.
Leonardo
Leonardo da Vinci er talinn einn mesti listamaður
sögunnar. Hann fæddist í smábænum
Vinci á Ítalíu um miðja 15. öldina
og hefur æ síðan verið við þann
bæ kenndur.
ÁBÓTINN
SAGÐI ...
„Rómaborg er
yfir öllum borgum, og hjá henni eru allar borgir
að virða sem þorp, því að jörð
og steinar og stræti öll eru roðin
í blóði heilagra manna“.
MMX Saga / Kirkja
/ Listir
/ Matur
/ Tenglar