„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu.
UMSAGNIR
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Feneyjar eru reistar á mörgum hólmum og helsti ferðamáti íbúa innan borgarinnar hefur frá upphafi verið siglingar, en margar fallegar brýr tengja hólmana saman.
Hin sérstæða lega borgarinnar, síkin útbreiddu, torgin og hin forna saga - þetta allt laðar fleiri ferðamenn til Feneyja en flestra annarra borga heimsins. Stórfengleg listaverk gömlu meistaranna prýða kirkjurnar og margar af hinum glæsilegu höllum er áður voru híbýli hefðarfólks hafa nú fengið ný hlutverk sem listasöfn eða gististaðir.
Feneyjar eru reistar á mörgum hólmum og helsti ferðamáti íbúa innan borgarinnar hefur frá upphafi verið siglingar. Margar fallegar brýr tengja hólmana saman og því er þægilegt að fara ferða sinna fótgangandi en umfram allt skemmtilegt að sigla milli staða á gondóla, að degi eða kvöldi, jafnvel undir angurværum söng ræðarans. Gondólarnir eru smíðaðir samkvæmt gamalli hefð, breiðari í annan endann til þæginda fyrir ræðarann sem aðeins notast við eina ár.
Kaffihúsin eru órjúfanlegur hluti af töfrum Feneyja. Kaffimenning Ítala er einstæð og það er frábær tilfinning að sitja yfir rjúkandi bolla á einhverju torginu og njóta fjölskrúðugs mannlífsins sem fyrir augu ber. Þekktustu kaffihúsin eru við Markúsartorgið sem er þungamiðja borgarinnar og einn þekktasti staður Feneyja. Feneyjar og borgin Mestre eru tengdar saman með brú. Í Mestre eru stór hótel og vöruhús þar sem ítalskur tískuvarningur er seldur.
Frá Feneyjum liggja leiðir til allra átta og ferðamöguleikar óþrjótandi. Það er vinsæll ferðamáti að leigja sér bíl og aka um og upplifa ítalska sveitarómantík, staldra við hjá bændum og smakka uppskeruna, baða sig á fallegum baðströndum og leigja sér hús í einhverju af hinum fjölmörgu héruðum landsins. Nálægðin við Slóveníu og Króatíu eykur enn á ferðamöguleikana.
Feneyska Rivieran Feneyska Rivieran er einn vinsælasti sumardvalarstaður Ítalíu og strandbærinn Lido di Jesolo býr yfir öllu því besta sem prýtt getur vel heppnað sumarleyfi. Stórkostleg strandlengja, fjörugt næturlíf, góðir veitingastaðir og fjölbreytt skemmtun fyrir fjölskylduna. Lido di Jesolo er nýtískulegur bær sem stendur við 14 km langa strandlengju með gullnum fíngerðum sandi og þar er hægt að stunda fjölbreyttar vatnaíþróttir. Við strandgötu bæjarins eru ótalmargar verslanir með ítalskan tískuvarning opnar langt fram á kvöld. Þar eru einnig lítil torg þar sem heimamenn setja upp markaði og götulistamenn skemmta.
Á föstudögum er markaður á Kennedytorgi, Piazza Kennedy, með fjölmörgum básum þar sem fjölbreyttur varningur er á boðstólum: matvara, fatnaður, blóm, o.m.fl. Fjöldi góðra veitingastaða er við strandgötuna og eftir góða ítalska máltíð með rómuðum vínum héraðsins er tilvalið að bregða sér á dansstað, en þeir eru fjölmargir í nágrenninu og hafa opið fram undir morgun. Sagt er að Lido di Jesolo sé staður sem aldrei sofi.
Stórskemmtilegur vatnsbrautagarður, Aqualandia, er skammt frá ströndinni, með ótal tegundum af rennibrautum og sundlaugum; uppáhaldsstaður barna á öllum aldri. Nálægðin við Feneyjar eykur enn á fjölbreytnina, enda samgöngur þægilegar. Almenningsvagnar, leigubílar og farartækin sem einkenna Feneyjar, „watertaxi“, bátar sem flytja fólki milli staða. Dagsferðir á slóðir Rómeó og Júlíu í Verónu eða að hinu undurfagra Gardavatni gera fríið enn eftirminnilegra. Í Jesolo er auðvelt að gleyma sér í skemmtilegu og líflegu andrúmslofti staðarins.
MARKÚSARKIRKJA Í FENEYJUM
Matur og vín Veneto héraðið er þekkt fyrir góðan mat - þennan ekta ítalska - og glas af freyðivíni héraðsins (Prosecco) er gjarnan drukkið fyrir mat. Fiskur og ferskt sjávarfang sem einkenna matargerð Veneto héraðsins býðst á fjölda veitingastaða og Parmaosturinn er ómissandi á ólýsanlega góða pastaréttina. Úrvalið er mikið, yfir 2000 veitingastaðir við strandgötuna, og ættu því allir að finna eitthvað við sitt hæfi. Vínsmökkunar- og sælkeraferðir bjóðast á vínbúgarða í sveitunum, þar sem vín hafa verið ræktuð í þúsundir ára.
Strandlíf Líflegt kvöld- og næturlíf gerir Jesoloströndina að paradís þeirra sem vilja skemmta sér. Diskótek á mörgum hæðum, allskyns barir með lifandi tónlist eða góðum plötusnúð; þarna safnast fjörugt fólk saman, syngur og stígur dansspor.
Íþróttir og vatnasport Hægt er að stunda köfun, seglbretta- og kajakasiglingar, spila tennis, blak og minigolf, hjóla eða renna sér á línuskautum meðfram ströndinni. Skemmtun fyrir börn á öllum aldri: Dýragarður, Gulliver í Putalandi, Aqualandia og Luna Park eru meðal þeirra skemmtigarða sem eru í næsta nágrenni og gaman er að heimsækja fyrir unga sem aldna.
Ferðir á eigin vegum Það er sérstök upplifun að ferðast um Ítalíu á eigin vegum. Vegakerfið er gott á hraðbrautum landsins en einnig er auðvelt að aka um sveitavegina og stoppa á búgörðum til að smakka á framleiðslu bænda, ostum, víni, og ólífuolíum. Stutt er að aka til nálægra landa eins og Slóveníu og Króatíu og skoða fallega staði, bæi og yndislega fagra náttúru. Ferð í Dólomítafjöllin gleymist seint þeim sem þangað fara, útsýnið er stórkostlegt og fyrir þá sem áhuga hafa á fjallgönguferðum er þetta þeirra paradís. Eftirminnilegar eru einnig ferðir til Feneyja, Verónu, Mílanó og hins undurfagra Toskaníuhéraðs þar sem skoða má heillandi borgir eins og Lucca og Flórens.
Grein þessi er fengin af vef ferðaskrifstofunnar Úrvals-Útsýnar.
Eldaðu
ítalskt !!!
Oft er það einfaldleikinn sem blívur
best og segja má að eitt af því
sem einkennir ítalska matargerð sé sparleg
notkun hráefnis og krydda.
Söguás:
1929
Mússolíní og Píus páfi
XI. semja um réttarstöðu Páfagarðs
sem sjálfstætt ríki innan ítalska
ríkisins með samningi sem kenndur er við
Lateran.
Hátíðir
Kjötkveðju-
hátíð er haldin í Róm
svo til allan febrúarmánuð og nær
hámarki á Martedí Grasso,
sprengidag þeirra Ítala. Karnivalið virðist
aðallega vera hátíð smáfólksins;
telpurnar klæða sig upp í prinsessukjóla
og strákarnir í ofurhetjubúninga.
Hver
er maðurinn?
Silvio Berlusconi fv. forsætis-
ráðherra Ítalíu hóf ferilinn
sem dægurlaga-söngvari á ferjum, en
tók síðan að stunda viðskipti
og sá sér þá hag í að
stofna til vinfengis við stjórnmálamenn.
Feneyjar
Feneyjar eru reistar á mörgum hólmum
og helsti ferðamáti íbúa innan
borgarinnar hefur frá upphafi verið siglingar.
Upphaf
klaustur-
lífs
Það féll í hlut Benedikts frá
Núrsíu að stofna fyrstu munka-
regluna og ber hún nafn hans. Benedikt kom klaustri
á laggirnar á Monte Cassino á Suður-Ítalíu.
Kaþólsk
trú og lútersk
Ef kaþólskur maður bergir brauðið
við altarisgöngu verður brauðið að
holdi Krists í munni honum vegna þess að
presturinn framkvæmir athöfnina fyrir hönd
kirkjunnar.
Leonardo
Leonardo da Vinci er talinn einn mesti listamaður
sögunnar. Hann fæddist í smábænum
Vinci á Ítalíu um miðja 15. öldina
og hefur æ síðan verið við þann
bæ kenndur.
ÁBÓTINN
SAGÐI ...
„Rómaborg er
yfir öllum borgum, og hjá henni eru allar borgir
að virða sem þorp, því að jörð
og steinar og stræti öll eru roðin
í blóði heilagra manna“.
Hin sérstæða lega borgarinnar, síkin útbreiddu, torgin og hin forna saga - þetta allt laðar fleiri ferðamenn til Feneyja en flestra annarra borga heimsins. Stórfengleg listaverk gömlu meistaranna prýða kirkjurnar og margar af hinum glæsilegu höllum er áður voru híbýli hefðarfólks hafa nú fengið ný hlutverk sem listasöfn eða gististaðir.
MMX Saga /
Kirkja /
Listir /
Matur
/ Tenglar