„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu.
UMSAGNIR
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Til Rómar ... Róm var á meðal fyrstu áfangastaða í íslensku millilandaflugi. Ekki hefur verið flogið beint til Rómar í áætlunarflugi hin síðari ár, en einstaka ferðaskrifstofur hafa boðið upp á flug þangað, til Verónu, Rimini eða Mílanó og oft fyrir skaplegt verð.
... Með flugi Í Róm eru tveir alþjóðlegir flugvellir. Flughöfnin Leonardo da Vinci er í Fiumicino, um 30 km suðvestur af borginni. Þessi helsti flugvöllur borgarinnar er betur þekktur sem Fiumicinovöllur og þar fer um mest af áætlunarfluginu. Hinn völlurinn er Ciampino suðaustan borgarinnar og þar lenda einkum leiguflugvélar. Þegar lent er á Fiumicinoflugvelli er hægt að velja um hraðlest eða leigubíl til Rómar. Fargjaldið með lestinni miðað við tvo er tæplega helmingurinn af því sem borga þarf fyrir leigubíl inn í miðborgina og oft minna. Leigubílar bíða rólegir í röð úti fyrir, en varast skal að taka sér far með þeim vafasömu leigubílstjórum sem reyna að veiða farþega í bíla sína innan sem utan flugstöðvar.
... Með lest Lestarstöðin Termini er ekki langt frá miðbænum og þaðan er hægt að komast hvort tveggja með strætó eða metró niður í bæ. Við Termini er endastöð margra strætisvagna og þar skarast metrólínurnar tvær. Fjöldinn allur af stærri og smærri hótelum er í nágrenni lestarstöðvarinnar og mörg í ódýrari kantinum. Til þess að komast strax niður í gamla miðbæinn er auðveldast að taka vagn númer 64 og fara t.d. út á Argentínutorgi, Largo Torre Argentina, ganga upp Via di Torre Argentina og þá er maður kominn að Panþeon og stutt í Navónutorg, Campo de'Fiori o.s.frv. Þeir sem vilja skella sér beint upp á Péturstorg taka vagninn hins vegar alla leið eða metró A að Ottaviano / S. Pietro. Upp á Spánartorg kemst maður með metró A og fer út á Spagna.
Sjá nánar um hraðlestina frá flugvellinum, leigubíla, lestir og annað í pistlinum um samgöngur.
Ratað um Róm Gott er að taka mið af tveimur helstu götum miðbæjarins sem gagnast manni eins og tveir ásar. Lárétti ásinn er þá Corso Vittorio Emanuele sem liggur frá ánni í vestri og austur gegnum gamla miðbæinn, um torgið Largo di Torre Argentina og næstum því að Feneyjatorgi. Lóðrétti ásinn er hins vegar Via del Corso sem liggur norðan frá Popolotorgi og suður á Feneyjatorg. Meira
Tíminn Klukkan á Ítalíu er einni klst. á undan þeirri íslensku yfir vetrarmánuðina og tveimur yfir vor og sumar. Síðasta sunnudag í mars er klukkunni flýtt um eina klukkustund á Ítalíu sem og á öllu meginlandi Evrópu og er þá klukkan tveimur klst. á undan þeirri íslensku. Síðasta sunnudag í október er klukkunni seinkað um eina klst. og er þá klukkan einni klst. á undan þeirri íslensku. Þess má geta að tímatal vort er grundvallað á almanaki því sem gefið var út í Róm á því Herrans ári 525 og hefst árið 1 eftir Krists burð.
Upplýsingaveitur
Á nokkrum stöðum um bæinn eru staðsettir grænir upplýsingaturnar fyrir ferðamenn og þar hittir maður fyrir enskumælandi starfsmenn. Þar fást upplýsingabæklingar um hvað er á seyði í borginni. Hins vegar ber að taka það fram að þarna hafa því miður fengist heldur takmarkaðar upplýsingar.
Termini lestarstöðin: Þar er upplýsingamiðstöð varðandi söfn, fornminjar og leiðsögn.
Gjaldeyrir Gjaldeyrisbúðir (cambio, exchange) eru víða um miðbæinn, en sjaldnast arðvænlegar í viðskiptum. Fyrrum voru slegnir gullpeningar sem giltu hvar sem gull var til einhvers metið; nú gilda gullkortin alstaðar. Hann var fyrrum kallaður rómarkostur kostnaðurinn við að ganga suður. Hraðbankar (bancomat) sem taka debet- og krítarkort eru víða, en ávallt skal þess gætt að vélin sé í lagi. Greiðslukort Flestar stærri verslanir og margar smærri taka krítar- og debetkort og margir (dýrari) veitingastaðir. Best er þó að hafa skotsilfur alltaf handbært.
Öryggi Almennt má segja að maður geti gengið sallarólegur um miðbæjargötur Rómar á nóttu sem degi. Hér sem annarstaðar skal þó gætt allrar varúðar. Róm telst hafa lægstu glæpatíðni borga á Ítalíu, þrátt fyrir að vera þeirra stærst. Sérstaklega er ástandið gott í miðborginni og er að líkindum vegna þeirrar miklu öryggisgæslu sem er um stofnanir og stjórnarbyggingar bæjarins og menningarverðmæti. Hringdu í 112 í neyð.
Þjófnaðir Ofbeldisrán eru sem betur fer fátíð í borginni, en vasa- og töskuþjófnaðir algengir. Smáþjófnaðir þessir fara aðallega fram þar sem troðningur er mikill, s.s. í strætis- og sporvögnum og jarðlestum, og við helstu ferðamannastaðina. Tekið skal fram að öllu lauslegu er stolið innan og utanklæða ferðamannsins. Gleraugu og pennar í brjóstvasa eru auðveld bráð fingralöngum, en vinsælust eru að sjálfsögðu seðlaveskin og þjófarnir telja það ekki eftir sér að sækja þau þangað sem eigandi þeirra telur þau trygg; í innanívasa, ofan í tösku, o.s.frv. Hafið varann á ykkur, en þó ekki svo yfirdrifinn að spilli fyrir ánægjunni af borginni.
Lestu um listina að svindla í pistlinum um Svik og pretti hér í Rómarvefnum.
Líkami og sál Lyfjabúðir Farmacia - lyfjabúðir er víða að finna og þekkjast á grænum krossi. Neyðarnúmer 112 Messur Páfinn messar frá skrifstofuglugga sínum við Péturstorg um hádegið nánast á hverjum sunnudegi, að því gefnu að hann sé í bænum. Þar að auki messar hann innandyra á miðvikudagskvöldum, en þarf að panta. Upplýsingar m.a. að hafa í Roma c'è.
Þegar náttúran kallar Salerni kaffi- og veitingahúsa eru oft sóðaleg en þó nothæf. Sjaldnast er nokkurt samband á milli útlits veitingastaðar og þess salernis sem hann býður gestum sínum upp á. Öruggast að hafa ávalt snýtibréf meðferðis. Öllum á að vera frjálst að nota salerni kaffibara og veitingahúsa án þess að kaupa veitingar í staðinn, en sjálfsagt er að nota ferðina og fá sér einn stuttan kaffi.
Útsýni 110 er útsýnisstrætó sem gengur frá Termini, en í útsýnisflug er hægt að komaset með City Fly, s: 068864 1441. Flýgur alla daga yfir borgina og kostar £ 95.000 á mann.
Listasöfn Alla jafna kostar um 5-6 € inn á söfnin. Afsláttur oft veittur handhöfum stúdentaskírteina (ISIC) og/eða þeim sem stunda nám í listum eða listasögu og geta framvísað vottorði þar um. Ókeypis fyrir yngri en 18 og eldri en 62. Athuga að söfnin eru velflest lokuð á mánudögum og víða aðeins opið fram að hádegishléi (13,30) á sunnudögum. Þó er afgreiðslutími safna æði misjafn.
Áður en safn er heimsótt er vert að muna ...
að athuga hvort safnið sé ekki örugglega opið,
að gera ráð fyrir góðum tíma til að skoða sig um og njóta listaverkanna og ekki síður byggingarinnar sem hýsir þau,
að í Vatikansafnið er ókeypis síðasta sunnudag hvers mánaðar.
Ræðismenn Ræðismaður Íslands í Róm Sig. Larocca, Consolato Generale della Repubblica d'Islanda di Roma, Via Flaminia 441, s. (+0039) 06323 1840, fax: (+0039) 06323 1468. Skrifstofan er til húsa við norðurenda hins gamla Flaminiovegar, nánast við Milviobrú. Best er að taka strætó á Mancinitorg þar rétt hjá eða sporvagn frá Popolotorgi sem gengur upp Flaminioveg. Ræðismaður Ítalíu á Íslandi Pétur Björnsson, Klapparstíg 27, Reykjavík, s. 562 4042. Genúa Maria Cristina Rizzi, Piazza della Vittoria 14, 16121 Genova. Eftir samkomulagi, s. (+0039) 10 25 25 86. Mílanó Olga Clausen Preatoni, Via Andera Maffei 1, 20135 Milano. Eftir samkomulagi, s. (+0039) 2 55 19 53 87. Tórínó Guiseppe Storaci, Via Carcano 26, 10153 Torino. Alla virka daga kl. 9-12 og 15-18 og eftir samkomulagi, s. (+0039) 11 248 5238.
Eldaðu
ítalskt !!!
Oft er það einfaldleikinn sem blívur
best og segja má að eitt af því
sem einkennir ítalska matargerð sé sparleg
notkun hráefnis og krydda.
Söguás:
1929
Mússolíní og Píus páfi
XI. semja um réttarstöðu Páfagarðs
sem sjálfstætt ríki innan ítalska
ríkisins með samningi sem kenndur er við
Lateran.
Hátíðir
Kjötkveðju-
hátíð er haldin í Róm
svo til allan febrúarmánuð og nær
hámarki á Martedí Grasso,
sprengidag þeirra Ítala. Karnivalið virðist
aðallega vera hátíð smáfólksins;
telpurnar klæða sig upp í prinsessukjóla
og strákarnir í ofurhetjubúninga.
Hver
er maðurinn?
Silvio Berlusconi fv. forsætis-
ráðherra Ítalíu hóf ferilinn
sem dægurlaga-söngvari á ferjum, en
tók síðan að stunda viðskipti
og sá sér þá hag í að
stofna til vinfengis við stjórnmálamenn.
Feneyjar
Feneyjar eru reistar á mörgum hólmum
og helsti ferðamáti íbúa innan
borgarinnar hefur frá upphafi verið siglingar.
Upphaf
klaustur-
lífs
Það féll í hlut Benedikts frá
Núrsíu að stofna fyrstu munka-
regluna og ber hún nafn hans. Benedikt kom klaustri
á laggirnar á Monte Cassino á Suður-Ítalíu.
Kaþólsk
trú og lútersk
Ef kaþólskur maður bergir brauðið
við altarisgöngu verður brauðið að
holdi Krists í munni honum vegna þess að
presturinn framkvæmir athöfnina fyrir hönd
kirkjunnar.
Leonardo
Leonardo da Vinci er talinn einn mesti listamaður
sögunnar. Hann fæddist í smábænum
Vinci á Ítalíu um miðja 15. öldina
og hefur æ síðan verið við þann
bæ kenndur.
ÁBÓTINN
SAGÐI ...
„Rómaborg er
yfir öllum borgum, og hjá henni eru allar borgir
að virða sem þorp, því að jörð
og steinar og stræti öll eru roðin
í blóði heilagra manna“.
MMX Saga /
Kirkja /
Listir /
Matur
/ Tenglar