„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu.
UMSAGNIR
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Helstu dagblöð ítölsk eru Mílanóblaðið Corriere della Sera, Rómarblaðið Il Messaggero og La Repubblica. L'Osservatore Romano er hins vegar málgagn páfastóls.
Fjölmiðlar á ítalíu
DAGBLÖÐ Helstu dagblöð ítölsk eru Mílanóblaðið Corriere della Sera, (Kvöldpósturinn, stofnað 1876), Rómarblaðið Il Messaggero (Boðberinn, stofnað 1878) og La Repubblica (Lýðveldið, stofnað 1976). L´Osservatore Romano „(Frá rómversku varðbergi) er málgagn páfastólsins, merkilegt blað og menningarlegt, sem ekki segir æsifréttir og reynir að þegja syndina í hel“, eins og Helgi P. Briem kemst að orði. Helstu aljóðlegu dagblöðin, s.s. Herald Tribune, Times, er hægt að kaupa samdægurs á helstu ferðamannaslóðunum. www.ilmessaggero.it
SJÓNVARP Helstu sjónvarpsstöðvarnar eru níu talsins. RAI er öflugt ríkissjónvarp sem sendir út á þremur sjálfstæðum rásum og innheimtir afnotagjald, en hinar eru gjaldfríar. Þrjár þeirra, Italia 1, Rete 4 og Canale 5, eru í eigu Mediasets, fyrirtækis fjölmiðlafurstans Berlusconis. Tvær, TMC og TMC2, eru í eigu hans helsta keppinautar á afþreyingarmarkaðnum, Vittorios Cecchi Gori (til samans eiga þeir og reka bróðurpartinn af kvikmyndahúsum landsins, og eitthvað rúmlega það). Níunda stöðin er svo Rete 4, tónlistarstöð sem að mestu endurvarpar útsendingum MTV útibúsins á Bretlandi. Við þetta má svo bæta kapal- og gervihnattastöðvum ef manni leiðist, auk staðbundinna stöðva og auglýsingasjónvarps. Eftir miðnætti um helgar sjónvarpar RAI ótalsettum kvikmyndum og ekki allar á ensku.
Upplýsingarit um Róm VIKULEGA Roma c'é er sérlega gagnlegt vikurit sem kemur út á fimmtudögum. Ritið er á ítölsku, en stuttur kafli á ensku fylgir hverri útgáfu. Auðvelt að átta sig á upptalningunni og er vel þess virði að læra á þessa handbók. í Roma c'è er að finna upptalningu á öllu því sem í boði er þá vikuna; listasýningar og söfn, tónleikar (klassík, djass, rokk), leikhús og ópera, kvikmyndir (þ.m.t. kvikmyndasýningar á frummáli), fyrirlestrar, íþróttaviðburðir, auk þess sem upptalin eru veitingahús og pízzeríur, barir og víneríur og margt fleira. Einnig er sérstök upptalnig á því sem í boði er fyrir börn í borginni. www.romace.it
Time Out Roma Þetta er ítölsk útgáfa breska vikuritsins Time Out. Blaðið er líkara tímariti en Roma c'é, en kostar það sama og hjálpar manni kannski að velja úr það áhugaverðasta. Þar er m.a. að finna yfirlit yfir veitingastaði sem blaðið mælir með, e-ð fyrir börnin, kvikmyndadóma og sjónvarpsdagsskrá vikunnar. www.timeout.com/rome
HÁLFSMÁNAÐARLEGA Wanted in Rome kemur út hálfsmánaðarlega, ætlað enskumælandi Rómarbúum. Þar er að finna eitt og annað um það sem er á seyði í borginni, smáauglýsingar, þ.á.m. íbúða- og atvinnuauglýsingar, og fréttaskýringar. www.wantedinrome.com
ANNAÐ TuttoCittá er sjálfstætt fylgirit með símaskránni, gefið út af Pagine Gialle, Gulu síðunum, og hefur að geyma allar upplýsingar um fjölda og staðsetningu sjúkrahúsa, kirkna og samkomuhúsa, bílastæða, almenningsgarða, safna, íþróttasala og leikvanga, o.s.frv., auk korta af allri borginni og góðs yfirlits yfir almenningssamgöngur. Roma per te; guida pratica del cittadino. í riti þessu, sem borgin gefur út, er að finna upplýsingar um allt það helsta sem lýtur að því að búa í borginni; hvert maður snýr sér til að fá dvalarleyfi, hvað þarf að hafa með sér til að opna fyrir síma, o.s.frv. Sjá líka Búið í Róm.
Eldaðu
ítalskt !!!
Oft er það einfaldleikinn sem blívur
best og segja má að eitt af því
sem einkennir ítalska matargerð sé sparleg
notkun hráefnis og krydda.
Söguás:
1929
Mússolíní og Píus páfi
XI. semja um réttarstöðu Páfagarðs
sem sjálfstætt ríki innan ítalska
ríkisins með samningi sem kenndur er við
Lateran.
Hátíðir
Kjötkveðju-
hátíð er haldin í Róm
svo til allan febrúarmánuð og nær
hámarki á Martedí Grasso,
sprengidag þeirra Ítala. Karnivalið virðist
aðallega vera hátíð smáfólksins;
telpurnar klæða sig upp í prinsessukjóla
og strákarnir í ofurhetjubúninga.
Hver
er maðurinn?
Silvio Berlusconi fv. forsætis-
ráðherra Ítalíu hóf ferilinn
sem dægurlaga-söngvari á ferjum, en
tók síðan að stunda viðskipti
og sá sér þá hag í að
stofna til vinfengis við stjórnmálamenn.
Feneyjar
Feneyjar eru reistar á mörgum hólmum
og helsti ferðamáti íbúa innan
borgarinnar hefur frá upphafi verið siglingar.
Upphaf
klaustur-
lífs
Það féll í hlut Benedikts frá
Núrsíu að stofna fyrstu munka-
regluna og ber hún nafn hans. Benedikt kom klaustri
á laggirnar á Monte Cassino á Suður-Ítalíu.
Kaþólsk
trú og lútersk
Ef kaþólskur maður bergir brauðið
við altarisgöngu verður brauðið að
holdi Krists í munni honum vegna þess að
presturinn framkvæmir athöfnina fyrir hönd
kirkjunnar.
Leonardo
Leonardo da Vinci er talinn einn mesti listamaður
sögunnar. Hann fæddist í smábænum
Vinci á Ítalíu um miðja 15. öldina
og hefur æ síðan verið við þann
bæ kenndur.
ÁBÓTINN
SAGÐI ...
„Rómaborg er
yfir öllum borgum, og hjá henni eru allar borgir
að virða sem þorp, því að jörð
og steinar og stræti öll eru roðin
í blóði heilagra manna“.
MMX Saga /
Kirkja /
Listir /
Matur
/ Tenglar